٣شباط بيي تركني قلّع شوكي بايدي وفل..
كتبت زينب حمادة
وأوقع أنا وطفله ويجوا إيديك
يلمّوا فْتافيت الدمع عن رمشي
كبرت وصرت عكّز طريقي..عليك
ومتل ال وقت وقْفوا مشي إجريك
ما عاد عندي جرَين تا إمشي
وبعرف وقت قررت إنت تموت
مش قاصد ب هالموت تقهرني
سْبقتني وهونيك ناطرني
خايف كنت قبلك ع موتي فوت
وأوقع ما لاقي حضن يغمرني
ضعيفه أنا ..وإنت بقبر غافي
خسرت السند من يوم ال خسرتك
يا هالأرض؟ هلقد آسِرتك
طيب حلال تيتّم كتافي؟
تا تسند الحيط ال بمقبرتك